عمرك خفت من ربنا قبل كده؟

السلام عليكم

بقالي كتير بافكر في الموضوع ده.. لأنها من النقاط اللي الإنسان لا يمكن يفهمها ولا يستوعبها.. الا لو عاشها و حسها قبل كده..
عشان كده حابب اعرف آراء و تجارب الناس هنا..
عمرك في يوم حسيت انك خايف من ربنا فعلا؟.. بمعنى.. كنت مقدم على فعل معين.. و مامنعكش من انك تعمل الفعل ده إلا خوفك من ربنا.. عمرك اتحطيت في الموقف ده؟..
و النقطة الأهم اللي عاوز اوصلها.. ياترى.. امتى أول مرة في حياتك حصل معاك الموقف ده؟
أنا متخيل ان الإنسان مابيستشعرش الخوف من ربنا بصدق. إلا لما يكون محتاجله..
و أغلبنا مابيحسش انه محتاج لربنا بجد.. إلا لما يتحمل مسئولية.. و يحس بعجزه و ضعفه و انه محتاج ربنا جنبه..
عشان كده مش قادر اتخيل ان الشباب قبل مرحلة الزواج ممكن يستشعروا الموضوع ده أو يستوعبوا الفكرة دي.. خصوصا في مرحلة المراهقة.. لأن طبيعة الحياة في زماننا ده بيكون فيها الشباب في الفترة دي مش متحملين أي مسئوليات.. راميين كل المسئوليات على أهلهم.. و كل حاجة بتجيلهم لحد عندهم ع الجاهز.. عشان كده صعب يستشعروا الفقر الحقيقي الى الله سبحانه و تعالى..
ياترى هل الفكرة دي صحيحة؟
ياريت تفيدونا بتجاربكم.. و يبقى جزاكم الله كل خير
_________________

رجل ذو همة .................يحيي امة

بجد موضوع الخشية دي موضوع جد خطير

بجد يا شباب احنا بدنا نعمل نهضة للشباب

يعني لاصحابنا و لجيرانا و لاخواتنا

نعرفهم على الله

و جد لو عرفوة اكيد هيخافوا منة

السلام عليكم و رحمة الله و بركاتة
حياكم الله و بياكم
موضوع طيب و مميز
و ننتظر منكم المزيد
و بارك الله فيكم
و السلام عليكم